Аляксандр Хацкевіч: Галоўнае быць лідарам на полі, а не да гульні

Галоўны трэнер нацыянальнай каманды Беларусі распавёў пра свае ўражанні ад чэмпіянату Еўропы паводле вынікаў групавой стадыі.

- Якія каманды вас здзівілі на Еўра-2016?

- На кожным чэмпіянаце Еўропы і свету ёсць каманды, на якіх ніхто не ставіў, а яны падаюць сюрпрызы. Цяпер гэта каманды Вугоршчыны і Ісландыі/a>. Гэтыя каманды вельмі здзівілі сваімі вынікамі. У выніку партугальцы выйшлі з групы толькі з трэцяга месца і з трыма нічыімі, піша by.tribuna.com.

- Вы наведалі матчы «Францыя - Румынія» і «Швецыя - Ірландыя». Што адзначылі ў гульні французаў і шведаў, з якімі нашай камандзе гуляць у наступным адборачным цыкле чэмпіянату свету ФІФА?

- «Францыя - Румынія» - матч-адкрыццё. Адчувалася хваляванне ў абедзвюх каманд, было шмат недахопаў. Але французы паступова дадалі. Хоць у супрацьстаянні з той жа Албаніяй яны мелі вялікую гульнявую перавагу, але толькі ў канцы матчу змаглі яе ўвасобіць у забітыя мячы. Трэцяя іх гульня здзівіла тым, што яны цалкам аддалі ініцыятыву Швейцарыі. Так, Дыдзье Дэшам унёс змены ў склад. Але ў другім тайме яны амаль усёй камандай адышлі на сваю палову поля. Зразумела, яны гулялі на вынік, каб заняць першае месца ў групе. Але, атрымліваецца, нават пры сваіх заўзятарах каманда вось так прагматычна аддала ініцыятыву. Можа быць, адпрацоўвалі камандную гульню ў абароне, і Дэшам правяраў, як каманда можа дысцыплінавана згуляць ззаду.

- У Швецыі абвясціў аб завяршэнні кар'еры ў камандзе Ібрагімавіч. Для нас гэта добра ці дрэнна?

- Са шведамі гуляць налета. Гэта адна з самых павольных каманд на Еўра-2016. Улічваючы, як гуляў Ібрагімавіч на чэмпіянаце Еўропы, можа, лепш бы ён адыграў і з намі? (смяецца) той жа Чэльстрэм дзейнічаў павольна, часта пасаваў назад, затрымліваў развіццё нападаў. Таму заканамерна, што Швецыя далей не прайшла. Але гэта было на чэмпіянаце. Зразумела, што ў іх шмат узроставых футбалістаў, але ёсць і хуткія, мабільныя гульцы.

- У траўні наша каманда гуляла з Ірландыяй і Паўночнай Ірландыяй. Можна сказаць, добра падрыхтавалі?

- Можа, паўночныя ірландцы ўпэўніліся ў сваіх сілах. Ірландцаў наадварот страсянулі. У матчы са шведамі ірландцы выглядалі вельмі моцна. А з італьянцамі каманда наогул гуляла выдатна: самавіта прэсінгавала, спалучала і брытанскі стыль, і камбінацыйны футбол. Іх перамога была заканамерная.

- А якія эмоцыі заўзятараў...

- Гэта трэба было бачыць, прысутнічаць на стадыёне. У той жа гульні Швецыя - Ірландыя скандынаўскіх заўзятараў было менш, але яны так завялі сваю каманду пры ліку 0:1, што тыя пабеглі наперад і адгулялі.

- Хто з гульцоў для вас стаў адкрыццём турніру на гэтым этапе?

- Вылучаецца Дзімітры Пайе. Ён гуляе ў «Вэст Хэме», не самім зорным клубе і паказвае, што і ў 28 гадоў можна раскрыцца, весці за сабой каманду сваёй краіны. У прэсе кажуць, што Погба вядучы гулец, але па гульні лідар Пайе. Здзіўляе, як выглядае Іньеста. Кажуць, што ён ужо ва ўзросце, валасы не растуць (усміхаецца). Але калі ёсць галава на плячах і майстэрства, то гэта адчуваецца і выяўляецца ў такіх гульнях. Узрост не перашкода, але самае галоўнае быць лідарам на полі, а не да гульні. Журналісты шмат надаюць увагі зоркам, якія накшталт як павінны быць на вядучых ролях. Але як высвятляецца, ёсць іншыя футбалісты, якія могуць павесці за сабой.

- Які хацелі б бачыць фінал, улічваючы, што многія гранды патрапілі ў адну сетку турніру?

- Мяркуючы па турнірнай сетцы, добрыя шанцы ў Нямеччыны. З другой паловы вылучаецца Харватыя, але ім можа не стаць досведу вырашальных матчаў на такіх турнірах. Ім адразу гуляць з Партугаліяй. Яшчэ ёсць бельгійцы. Увогуле, назваў бы такія магчымыя пары фіналістаў: «Нямеччына - Харватыя» або «Гішпанія - Бельгія».

- Было шмат размоў: 24 каманды на Еўра - гэта добра ці дрэнна. Вядома, для трэнера гэта хутчэй плюс. А калі паставіць сябе на месца заўзятара? Чэмпіянат больш набыў ці страціў?

- З пашырэннем колькасці удзельнікаў набыло не Еўра, а хутчэй УЕФА набыло шмат мільёнаў еўраў (смяецца). Шмат у чым гэта фінансавае пытанне. Больш гульняў - больш рэкламы. Хоць трэба адзначыць, што раней трэці круг быў амаль не цікавы: калі выходзіла толькі дзве каманды, многае да гэтага моманту ўжо было вырашана. А тут у кожнай групе ішла барацьба да апошніх хвілін.