Як ежа ўплывае на гумор
4- 25.06.2016, 19:11
- 14,898
Дзіўна, але ежа з'яўляецца адным з галоўных фактараў, якія ўплываюць на наш гумор.
Настрой - пераменлівая рэч. Столькі розных фактараў могуць на яго ўплываць: і якасць сну, і надвор'е, і стасункі з іншымі людзьмі, і нават ежа, піша medic.ua.
Дзіўна, але ежа з'яўляецца адным з галоўных фактараў, якія ўплываюць на наш настрой, бо яно непасрэдна залежыць ад працы нашага мозгу.
Як гэта адбываецца?
Настрой з'яўляецца следствам працы некаторых «нейрахімічных» рэчываў у нашым мозгу. Да такіх рэчываў належаць і нейрамедыятары, дзякуючы якім вядзецца перадача імпульсу паміж нейронамі. Адным з найважнейшых нейрамедыятараў з'яўляецца сератанін, які і адказвае за наш настрой.
Некаторыя лекавыя прэпараты, якія ўплываюць на актыўнасць мозгу, прызначаныя для павышэння ці паніжэння ўзроўню нейрамедыятараў. Напрыклад, антыдэпрэсанты выкарыстоўваюцца для павелічэння ўзроўню сератаніна ў мозгу.
Загадкавы сератанін
Сератанін часта называюць «гармонам радасці» і ён гуляе найважнейшую ролю ў жыцці кожнага чалавека. Справа ў тым, што сератанін можа ўплываць на вельмі многія фактары, напрыклад, на настрой, паводзіны, апетыт, сон, памяць і сэксуальнае жаданне.
Сератанін вырабляецца з трыптафану - незаменнай амінакіслаты, якую мы можам атрымаць толькі звонку, разам з ужытнай ежай. На шчасце для нас, трыптафан ёсць у вялікай колькасць прадуктаў, такіх як мяса, садавіна і малочныя прадукты.
Мы - тое, што мы ямо
Вы можаце падумаць, што мозг і так дастаткова нядрэнна спраўляецца са сваімі рэсурсамі, і што штодзённыя змены ў вашым рацыёне ніяк не паўплываюць на стан вашых нейрамедыятараў. Аднак гэта не дакладна, бо калі ў вашым харчаванні прысутнічае недастатковая колькасць неабходных амінакіслот, гэта можа прывесці да паніжэння ўзроўню сератаніна.
Што ж адбываецца, калі ўзровень сератаніна паніжаецца? Даследаванні паказалі, што ўжыванне ежы з недастатковым утрыманнем трыптафану можа прывесці да павышэння раздражняльнасці, агрэсіі, парушэнняў памяці і дэпрэсіі.
Жывёлы рэагуюць на недахоп трыптафану ў рацыёне гэтак жа, як і людзі, становяцца больш нервовымі.
Дыета для добрага настрою
Дзе ж шукаць гэты жыццёва неабходны трыптафан? Больш за ўсё трыптафану ўтрымліваецца ў шакаладзе, сырах, рыбе, тварагу, мясе, арахісе, малацэ і арэхах.
Аднак, нават калі вы ўжываеце дастатковую колькасць прадуктаў, якія маюць трыптафан, яго можа не ставаць. Справа ў тым, што ў нашым кішэчніку могуць жыць бактэрыі, якія «сілкуюцца» трыптафанам. Мяняючы сваё харчаванне, вы можаце ўплываць на колькасць тых ці іншых бактэрый. Гэта можа прывесці да росту папуляцыі тых самых «аматараў» трыптафану, і бактэрыі выкарыстаюць запасы амінакіслот перш, чым яны змогуць прыняць удзел у выпрацоўцы сератаніна.
Калі вы заўважылі непрыемныя перамены ў сваім настроі пасля таго, як змянілі свой рацыён, проста вярніцеся да ранейшага ладу харчавання і ўжо цягам некалькіх дзён ваш настрой палепшыцца.