Памёр артыст Расціслаў Янкоўскі
14- 26.06.2016, 15:26
- 11,991
Вядомы артыст тэатра Расціслаў Янкоўскі нарадзіўся ў 1930 у Адэсе ў сям'і шляхціца з беларуска-польскімі каранямі.
Расціславу Янкоўскаму было 86 гадоў. Ён быў ганараваны званнямі Заслужанага і Народнага артыста БССР, Народнага артыста СССР (1978).
Ён нарадзіўся ў 1930 у Адэсе ў сям'і шляхціца з беларуска-польскімі каранямі, піша nn.by.
У Беларусь пераехаў з сям'ёй у 1957 і працаваў у Рускім тэатры.
Ягоны брат Алег Янкоўскі таксама быў папулярным артыстам савецкага і расейскага кіно.
Расціслаў Янкоўскі быў дэпутатам Вярхоўнага Савета БССР (1990-1995).
За ягонымі плячыма больш за 160 роляў у спектаклях і прыблізна ў 50 фільмах. У гэтым сезоне Янкоўскі граў Пане Каханку ў п'есе Андрэя Курэйчыка - адной з самых аншлагавых пастановак Менска. Без Янкоўскага цяжка ўявіць фільмы «Вока за вока», «У чэрвені 41-га», «Стацкі дарадца»... Выбітны майстар сцэны 15 гадоў узначальваў кінафестываль «Лістапад».
Сярод узнагарод Янкоўскага - ордэны Францішка Скарыны і Айчыны II ступені. У 2015 актору ўручылі медаль ЮНЕСКА «За значны ўнёсак у развіццё нацыянальнай культуры і культурную разнастайнасць свету». У 2016 ён атрымаў расейскую нацыянальную тэатральную прэмію «Залатая маска».
