Ненад Адамовіч: Некаторым гульцам «Дынама» трэба задумацца, хочуць яны гуляць у камандзе або не

Нападнік менскага «Дынама» ацаніў гульню каманды ў апошніх турах.

- Сумна, крыўдна... Складана падабраць словы... Некаторым гульцам «Дынама» трэба задумацца, хочуць яны гуляць у камандзе ці не.

- Прыхільнікі выстаўляюць прэтэнзіі да кіраўніцтва клуба.

- Ці можна вінаваціць і кіраўніцтва, і гульцоў... Я не ведаю, што рабіць. Калі нават Маўрынью прыйдзе ў «Дынама» - будзе тое ж самае. Гульцы павінны рабіць тое, што ад іх патрабуецца. Крыўдна, што саступаем так. Мы не паказалі, што хочам перамагчы, не змагаліся на 100 адсоткаў. Сыход фанатаў да фінальнага свістка? Яны нам не давяраюць, таму так і паступілі. Мы не паказалі тое, чаго ад нас чакалі, - заявіў футбаліст Ненад Адамовіч, піша by.tribuna.com.

Нагадаем, паводле вынікаў матчу, які адбыўся 25 чэрвеня, менскае «Дынама» саступіла «Іслачы» (1:3).