Газ для беларусаў даражэе рэкорднымі тэмпамі

Паводле звестак даследавання РІА «Рэйтынг», з пачатку 2016 года беларусы сталі плаціць за газ (у нацыянальнай валюце) на 24,6% больш.

Гэта самы высокі рост сярод 35 дзяржаў Еўропы. Наогул плацяжы насельніцтва за «блакітнае паліва» выраслі ў 11 краінах. Акрамя Беларусі, тарыф павялічыўся ў Казахстане (на 16,7%), ва Украіне (на 14,8%), у Расеі (на 8%), у Ліхтэнштэйне (на 7,9%), у Румыніі (на 6,8 %), у Чэхіі (на 3,7%), у Вялікабрытаніі (на 3,5%), у Швецыі (на 3%), піша Заўтра тваёй краіны.

Аднак у сярэднім цягам гэтага года цана газу для еўрапейцаў паменшылася на 1,6%.

Практычна не адчулі рост цэнаў жыхары Вугоршчыны (0,4%), а таксама Босніі і Герцагавіны (0,2%). Для насельніцтва Нямеччыны тарыфы не змяніліся.

Большасць жыхароў Еўропы ў першым паўгоддзі 2016 гады здолелі зэканоміць на «блакітным паліве». У сярэднім выдаткі хатніх гаспадарак на «газавы артыкул» скарацілася на 1,6%. Самымі эканомнымі былі эстонцы (на 22,1%), балгары (19,2%), датчане (13%), літоўцы (12,6%) і сербы (11,1%).

Нягледзячы на істотны рост цаны, Беларусь па-ранейшаму ў еўрапейскіх лідарах з самай нізкай цаной газу.

У першым паўгоддзі 2016 года ніжэй, чым у Беларусі, газ прадаваўся толькі жыхарам Казахстана і Расеі. У сярэднім за месячны заробак беларус мог набыць у гэтым перыядзе 2862,6 кубаметраў газу. Гэта менш, чым купіў бы люксембуржац, расеец, француз, брытанец або немец, але вышэй за сярэднееўрапейскі паказчыка (2503 куб.м.).

Беларусы апярэджваюць паводле гэтага паказчыку жыхароў Чэхіі (1232,5 куб.м.), Італіі (1 840,5 куб.м.) і Швецыі (2325,7 куб.м.).