Вячаслаў Салдаценка стаў найлепшым маладым галкіперам свету

Беларускі спартовец увайшоў у нацыянальную каманду найлепшых маладых гандбалістаў.

На папулярным інтэрнэт-партале handball-planet.com скончылася галасаванне за найлепшага маладога гандбаліста сезона. На гэтае званне прэтэндавалі 28 кандыдатаў (па чатыры гульцы кожнага з сямі магчымых у гандболе амплуа), якія нарадзіліся ў 1994 годзе ці пазней. Пераможцам другі раз запар стаў нарвежскі разыгрываючы Сандэр Сагасэн, паведамляе «Прессбол».

Акрамя таго, была вызначаная нацыянальная каманда найлепшых маладых гандбалістаў, у якую трапіў галкіпер менскага СКА Вячаслаў Салдаценка. На ўключэнне ў топ-7 таксама прэтэндавалі 20-гадовыя лінейны Арцём Каролек і левы крайні Андрэй Юрынок.