Аляксандр Ярашук: «Палатка» збіраецца канчаткова ўзаконіць рабства ў Беларусі
71- 28.06.2016, 15:20
- 19,723
Галоўнай лабісткай новага закона стала міністр працы Мар'яна Шчоткіна.
Як стала вядома, 30 чэрвеня «палата прадстаўнікоў» рыхтуецца разгледзець і прыняць у першым чытанні законапраект, які замацоўвае ў Працоўным кодэксе нормы дэкрэта №29, узаконіць пагалоўную кантрактызацыю ў краіне, і дэкрэта №5, які істотна пагоршыць умовы працы работнікаў.
Старшыня БКДП Аляксандр Ярашук звярнуўся да міністра працы Мар’яны Шчоткінай з адкрытым лістом, у якім называе яе дзеянні ў лабіяванні законапраекта цынізмам і крывадушнасцю.
Тэкст ліста атрымала і рэдакцыя charter97.org.
«Прыняцце гэтага закона будзе азначаць, што Беларусь, занесеная Міжнароднай канфедэрацыяй прафзвязаў (МКП) у дзясятку найгоршых краін для працоўных, стане месцам, дзе канчаткова і беспаваротна будзе замацаванае прыгоннае права і рабства», - піша Аляксандр Ярашук.
«Паколькі ў сценах «палаты прадстаўнікоў» вы, Мар'яна Акіндзінаўна, то як назваць ваша лабіяванне гэтага закона? Калі вам цяжка адказаць, то адкажу я: гэта называецца цынізмам і крывадушнасцю.
Можаце не сумнявацца, што хутчэй рана, чым позна, скончыцца эксперымент беларускіх уладаў у ператварэнні працоўных у статак, які падганяюць пугай. А калі гэты момант наступіць, беларускія працоўныя захочуць з тых, хто браў удзел у пазбаўленні іх элементарных працоўных правоў», - напісаў старшыня БКДП.