У Кітаі забаранілі публікаваць навіны ў інтэрнэце без адабрэння ўладаў

Забарона тычыцца «бягучых навін», якія маюць дачыненне да палітыкі, эканомікі, міжнародных стасункаў і сацыяльнай сферы.

Буйным інфармацыйным парталам Кітая, у тым ліку Sina Corp., Tencent Holdings Ltd і Sohu.com, забаранілі публікаваць навінавыя нататкі без адабрэння дзяржавы, паведамляе Bloomberg са спасылкай на кітайскія СМІ.

Забарона была ўведзена Адміністрацыяй па кіберпрасторы Кітая, якая курыруе працу інтэрнэту. Паводле звестак агенцтва, гэта тычыцца «бягучых навін», якія маюць дачыненне да палітыкі, эканомікі, міжнародных стасункаў і сацыяльнай сферы. Забарона дае ўладам практычна поўны кантроль над размяшчэннем навін у інтэрнэце, падкрэслівае агенцтва.

На пачатку ліпеня Дзяржканцэдярыі Кітая ў справах інтэрнэт-інфармацыі забараніла нацыянальным каналам навін сэрвісаў публікаваць нататкі на падставе паведамленняў у сацыяльных і сэрвісах мікраблогаў. Зроблена гэта было «з мэтай далейшай барацьбы і прадухілення публікацыі ілжывай інфармацыі ў інтэрнэце», паведамляе kommersant.ru.