У Фларыдзе расстралялі наведвальнікаў начнога клуба

У выніку страляніны два чалавекі загінулі, 17 параненыя.

Прынамсі два чалавекі загінулі і 17 параненыя ў горадзе Форт-Майерс (штат Фларыда) у выніку страляніны, якая адбылася ў начным клубе раніцай. Пра гэта паведаміў тэлеканал Wink News (пераклад - ТАСС).

Стральба адбылася ў начным клубе Club Blue, дзе праводзілася вечарына для падлеткаў. Са слоў відавочцаў, пачулася не менш за 30 стрэлаў, імаверна, стралялі з рознай зброі.

На месцы здарэння працуюць медыкі, якія дастаўляюць параненых у шпіталі. Дагэтуль паліцыя не паведамляла падрабязнасцяў пра інцыдэнт і яго вінаватых.