Радыёлагі патлумачылі смугу над Менскам

Шчыльны туман над Менскам, сцвярджаюць спецыялісты, гэта вынік метэаінверсіі, якая ніяк не звязаная са смогам у Маскве.

Пра гэта tut.by паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя.

- Наш маніторынг паказвае, што ў Менску найчыстае паветра. Пакуль ніякіх перавышэнняў шкодных рэчываў не фіксуецца, - распавяла начальніца інфармацыйна-аналітычнага аддзела маніторынгу атмасфэрнага паветра Цэнтра Багдана Казярук.

Мабыць, смуга над Менскам - гэта вынік метэаралагічнай інверсіі. Яна ўтвараецца, калі з вышынёй павышаецца і тэмпература паветра. У ахоўным пласце запасіцца вільгаць, якая ўзнімаецца з павярхоўнага пласта зямлі.

- Надвор'е вызначае абсяг павышанага ціску, у атмасфэры вялікая колькасць вільгаці. Праз гэта сфармавалася інверсія. Нічога экстраардынарнага ў сінаптычнай сітуацыі не адзначаецца, - патлумачыла галоўная сіноптык Белгідрамета Святлана Рыбакова.

Інверсія зазвычай утвараецца раніцай, а пад вечар смуга павінна рассеяцца.

Раз акрамя вільгаці ў ахоўным пласце запасяцца пыл ды іншыя часцінкі, інверсія - з'ява не цалкам бяспечная. У людзей са слабым здароўем можа пагаршацца самаадчуванне і выяўляцца алергічныя рэакцыі.

Сіноптыкі запэўніваюць, што смуга над Менскам ніяк не звязаная з смогам у Маскве, які ўтварыўся над расейскай сталіцай праз лясныя пажараў у Сібіры, мясцовыя прыродныя загаранні і выкіды прамысловых прадпрыемстваў.

У Белгідрамеце кажуць, што паводле звестак са спадарожніка, маскоўскі смог развейваецца яшчэ на тэрыторыі Расеі, не даходзячы да нашых меж.