Чачэнец атрымаў дэпартацыю за «забытыя» ў пашпарце 100 еўраў
11- 25.07.2016, 15:58
- 23,737
22 ліпеня ў пункце пропуску "Берасце" грамадзянін Расеі чачэнскай нацыянальнасці перадаў беларускім памежнікам пашпарт са 100 еўрамі.
Мужчына, які пражывае ў Францыі, ехаў з Еўропы ў Беларусь. Паводле ягоных слоў, грошы ў дакументах ён пакінуў выпадкова, паведамляе tut.by.
Памежнікі расцанілі ягоныя дзеянні як падбухторванне да парушэння ўстаноўленага парадку памежнага кантролю. У выніку мужчына атрымаў 9 базавых адзінак штрафу (189 рублёў) і дэпартацыю з забаронай уезду на 1 год.