Луцэнка: Фотапартрэты забойцаў Шарамета будуць апублікаваныя найбліжэйшым часам
1- 26.07.2016, 16:22
- 7,407
Да стварэння фотаробатаў падазраваных у забойстве журналіста прыцягваліся экспэрты з ФБР.
Генеральны пракурор Украіны заявіў, што ўжо найбліжэйшым часам уся краіна ўбачыць выявы асоб меркаваных забойцаў журналіста, паведамляе 5-ы канал.
Сёння на брыфінгу ў Чарнігаве генеральны пракурор адзначыў, што работнікі ФБР дапамаглі следчым выявіць тып выбухоўкі і апрацаваць відэазапісы з камер назірання.
Амерыканскіх экспэртаў таксама прыцягвалі да працы над стварэннем фотаробатаў падазраваных.
Са слоў Луцэнкі, "усялякае своечасовае публічнае агучванне важнай інфармацыі можа пашкодзіць расследаванню".
- Пасля апрацоўкі ўсіх матэрыялаў следчыя будуць гатовыя паведаміць новыя дэталі, у тым ліку падаць магчымыя фотаробаты падазроных, - адзначыў кіраўнік ГПУ.