У аэрапорце Менска затрымалі грамадзяніна РФ, які падазраецца ў сувязях з ІД

У аўторак, 26 ліпеня, у аэрапорце Менска затрымалі грамадзяніна РФ, які падазраецца ў сувязях з ІДзІЛ.

Пра гэта паведамляе тэлекампанія «Беларусь 1».

Праваахоўнікі Расеі праінфармавалі беларускіх калег аб тым, што падазраваны павінен вылецець з Нацыянальнага аэрапорта Менск у Турцыю.

Зараз развязваецца пытанне аб высылцы затрыманага на радзіму. У дачыненні да яго праводзіцца праверка.

Вядома, што расейскі бок пісьмова пацвердзіў, што падазраваны мае прамое дачыненне да ІДзІЛ. Паводле існых звестак, завербаваны 27-гадовы жыхар Масквы прайшоў спецнавучанне ў лагеры падрыхтоўкі ІД.