«Справядлівая Расія» раіць мыць галаву адварам ад локшыны

Партыя «Справядлівая Расія» звярнулася да сваіх выбаршчыкаў з парадамі для выкарыстання булёну ад локшыны.

Партыя раіць электарату мыць гэтым булёнам галаву, посуд, паліваць ім кветкі і варыць на ім пельмені, піша politsovet.ru.

Такія парады можна знайсці ў газеце «Свярдлоўская вобласць за справядлівасць», якую распаўсюджваюць у Екацярынбургу агітатары «Справядлівай Расеі». Як і ў іншых выданнях гэтай партыі, ці ледзь не палова газеты адведзеная пад розныя бытавыя парады і рэцэпты.

На адной з палос, якая ідзе следам за зваротам дэпутата Дзярждумы Аляксандра Буркова, «Справядлівая Расія» раіць выкарыстоўваць адвар ад локшыны ўсюды, дзе толькі магчыма. Прывядзём адну з гэтых парад цалкам.

«Спа-сродак з рондальчыку. Дзякуючы мінералам «локшынавая» вада супакойвае скуру і з'яўляецца выдатным спа-сродкам для мыцця рук і пятак. Скажуць дзякуй вам і валасы. Прыгатуйце вадкасць на 5-10 хвілін перад мыццём галавы - пасля такой маскі валасы стануць больш мяккімі і шаўкавістымі», - раяць партыйцы.

Акрамя таго, СР прапануе варыць на булёне з локшыны пельмені. «А якія добрыя пельмені на наварыстым макаронным булёне!» - сцвярджаюць ў партыі.

Варта адзначыць, што такія парады для выкарыстання булёну можна знайсці ў Інтэрнэце на сайтах тыпу «Як зэканоміць?». Аднак ніякіх пацверджанняў таго, што макаронны адвар дзейнічае менавіта такім чынам, няма, і часам гэтыя парады выглядаюць адкрытым здзекам. Аднак «Справядлівая Расія», магчыма, палічыла, што яе электарат лёгка можа паверыць у такое, і перадрукавала гэтыя рэцэпты ў сваёй газеце, не спаслаўшыся пры гэтым на крыніцы.