Штайнмаер: Перамога Трампа ўскладніць трансатлантычныя стасункі

Міністр замежных спраў Нямеччыны Франк-Вальтэр Штайнмаер занепакоены тым, што мільярдэр Дональд Трамп стаў кандыдатам на пасаду прэзідэнта ЗША.

Пра гэта піша Deutsche Welle.

На думку Штайнмаера перамога Трампа прыўнясе шмат нявызначанасці ў будучыню трансатлянтычных стасункаў, бо, Трамп, як падкрэслівае кіраўнік нямецкага МЗС, кінуў выклік сучасным палітычным элітам.

«Мяне вельмі турбуе, што кандыдат у прэзідэнты Трамп кінуў выклік усёй палітычнай эліце, насуперак таму, што сам да яе належыць, і менавіта за гэта атрымаў падтрымку», - заявіў ён.

Са слоў Штайнмаера, карціна, якую малюе Трамп - гратэскавая. Так, на думку кіраўніка нямецкай дыпламатыі амерыканскі мільярдэр адлюстроўвае ЗША ў коле ўнутраных і замежных ворагаў, практычна акупаванай тэрыторыяй.

Пры гэтым, Трамп заклікае краіну трымацца ў баку ад сусветных канфліктаў.

«Як адно спалучаецца з іншым, я растлумачыць не магу», - падкрэсліў Штайнмаер.