Імпарт спажывецкіх тавараў скараціўся на $430 мільёнаў

За студзень-травень імпарт спажывецкіх тавараў склаў 85% да аналагічнага перыяду 2015 года і скараціўся на $431 млн.

Імпарт спажывецкіх тавараў у студзені-траўні скараціўся на 15% у параўнанні з аналагічным перыядам мінулага года, паведаміў сёння першы намеснік міністра гандлю Беларусі Артур Карповіч на пасяджэнні калегіі, паведамляе БелТА.

"За студзень-травень імпарт спажывецкіх тавараў склаў 85% да аналагічнага перыяду 2015 года і скараціўся на $431 млн. Знізіўся імпарт і ў колькасным вымярэнні ў 36 з 68 асноўных таварных пазіцый, якія ўлічваюцца Белстатам", - адзначыў Артур Карповіч.

Ён падкрэсліў, што істотнае скарачэнне імпарту ў вартасным вымярэнні адбылося ў тым ліку ў таварных пазіцыях, вытворчасць якіх у краіне наладжаная: легкавых аўтамабіляў (на $125 мільёнаў), яблыкаў ($100 млн), лекавых сродкаў, расфасаваных для раздробнага продажу ($18 млн), капусце ($16 млн), абутку ($13 млн), гурках ($7 млн), цыбулі-рэпцы, часнаку ($6 млн), хлебе і мучных кандытарскіх вырабах ($6 млн), керамічнай плітцы ($5 млн).

"Пры гэтым попыт па-ранейшаму задавальняецца пераважна за кошт тавараў айчыннай вытворчасці", - падсумаваў Артур Карповіч.