У Тэхасе ўпаў паветраны шар з 16 пасажырамі

Прылада загарэлася перад тым, як упасці.

Інцыдэнт адбыўся каля горада Локхарт, на поўдзень ад сталіцы штата, Осціна, а 07:40 раніцы (15:40 паводле Менску), паведамляе расейская служба BBC.

Пры падзенні ў Тэхасе паветранага шара, які загарэўся, хутчэй за ўсё, ніхто не выжыў, заявіў шэрыф акругі Калдуэл, дзе адбыўся інцыдэнт.

На месца выехала следчая група Федэральнага агенцтва грамадзянскай авіяцыі. Пазней расследаванне перададуць установе, якая рэгулюе транспартную бяспеку ЗША.