У сетцы з'явілася відэа аварыі з удзелам васьмі аўтамабіляў

На трасе Р28 адна машына на вялікай хуткасці ўрэзалася ў іншую, проста выштурхнуўшы яе на сустрэчную.

Сайт charter97.org паведамляў пра аварыю, якая адбылася 30 ліпеня а 12:30 на аўтадарозе Р28 (Менск - Маладзечна - Нарач). Тады сутыкнуліся восем аўтамабіляў. Паводле інфармацыі ДАІ, пацярпелых на шчасце, няма. А сёння з'явілася відэа таго, што здарылася. Адна машына на вялікай хуткасці ўрэзалася ў іншую, проста выштурхнуўшы яе на сустрэчную, паведамляе onliner.by

- Паводле папярэдняй інфармацыі, прычына аварыі - невыкананне дыстанцыі паміж аўтамабілямі. На шчасце, пацярпелых у ДТЗ няма, аўтамабілям прычыненыя механічныя пашкоджанні, - паведамілі раней у ДАІ.