Мінгандлю з пачатку жніўня прыпыніла дзейнасць 24 аб'ектаў

Прычыны закрыцця – невыкананне асартыментнага пераліку, а таксама рэалізацыя тавараў з прамінулымі тэрмінамі прыдатнасці.

Асноўнымі прычынамі, праз якія прыпынялася дзейнасць аб'ектаў, сталі невыкананне асартыментнага пераліку, рэалізацыя тавараў з прамінулымі тэрмінамі прыдатнасці.

Мяркуючы з размешчанай на сайце ўстановы інфармацыі, большасці аб'ектаў спатрэбілася адзін-два дні на ўхіленне выяўленых парушэнняў, пасля чаго іхняя праца прадоўжылася.

Аднак ёсць у спісе аб'екты з адкрытай датай аднаўлення дзейнасці. Згодна з загадам міністра гандлю, пачынаючы з трэцяга квартала гэтага года на афіцыйным сайце ўстановы размяшчаецца інфармацыя пра прыпыненне (забарону) міністэрствам працы гандлёвых аб'ектаў і аб'ектаў грамадскага харчавання. Паводле стану на 26 жніўня, за гэты час прыпынялася праца 64 аб'ектаў.