У РФ правяраюць боегатоўнасць войскаў супрацьпаветранай абароны
3- 27.08.2016, 13:50
- 8,336
Раптоўная праверка боегатоўнасці абвешчаная вярхоўным галоўнакамандавальным.
Пра гэта паведамляе РІА Навіны са спасылкай на звесткі Мінабароны РФ.
«Экіпажы Паветрана-касмічных сіл (ПКС) Расеі ў рамках раптоўнай праверкі боегатоўнасці войскаў правераць супрацьпаветраную абарону (СПА) Паўднёвай вайсковай акругі (ПВА). Цягам некалькіх дзён у дзённы і начны час экіпажы знішчальнай, бамбавальнай, армейскай, далёкай і вайскова-транспартнай авіяцыі выканаюць палёты ў зоне адказнасці СПА ПВА», – гаворыцца ў паведамленні.
У праверцы будуць задзейнічаныя МіГ-29, МіГ-31, Су-27, Ан-12, Іл-76, Мі-8, Мі-24, Ка-52 і інш.
«Самалёты і верталёты будуць выконваць палёты на вышынях ад 50 да 10000 м з рознымі хуткасцямі для таго, каб застацца незаўважанымі для радыёлакацыйных станцый дзяжурных сілаў СПА акругі», – паведамілі ў Мінабароны.
Раптоўная праверка была абвешчаная ў чацвер вярхоўным галоўнакамандавальным. Войскі Паўднёвай, частка сілаў і сродкаў Заходняй і Цэнтральнай акругаў, Паўночнага флоту, галоўнага камандавання ВКС, камандаванне Паветрана-дэсантных войскаў прывялі ў поўную баявую гатоўнасць.
Закончыцца праверка 31 жніўня.