Пад Браславам разбіўся лёгкаматорны самалёт
1- 28.08.2016, 10:59
- 17,306
Пілот шпіталізаваны, адзін з пасажыраў загінуў.
Увечары 27 жніўня каля вёскі Будзілы Браслаўскага раёна ўпаў лёгкаматорны самалёт, паведамляе прэс-служба МНС.
Па прыбыцці работнікаў МНС да месца выкліку быў знойдзены гідраплан, з якога выцякала паліва.
Да прыбыцця падраздзяленняў МНС лекарамі хуткай медыцынскай дапамогі былі агледжаныя і шпіталізаваныя пацярпелыя. Работнікі МНС зрабілі захады каб не дапусціць узгаранне паліва.
У трохмесным гідраплане маркі «ЧЕ-23М» знаходзіліся тры чалавекі. Пілот шпіталізаваны, адзін з пасажыраў памёр па дарозе ў бальніцу, другі атрымаў нязначныя траўмы. Прычыну падзення высвятляе спецыяльна створаная камісія.