Навошта Лукашэнка сабраўся ў Пекін і Ісламабад?
27- 29.08.2016, 10:07
- 10,431
На восень запланаваныя візіты дыктатара ў дзве найбуйнейшыя азіяцкія краіны: Кітай і Пакістан.
Паднябесную Лукашэнка мае намер наведаць у канцы верасня, а ў кастрычніку плануе зрабіць візіт у Ісламскую Рэспубліку Пакістан.
Са слоў намесніка кіраўніка адміністрацыі Лукашэнкі Мікалая Снапкова, дзяржаўны візіт беларускага кіраўніка ў Кітай стане прарыўным і дасць пачатак новаму этапу ў палітычным і эканамічным супрацоўніцтве. Такія ж чаканні ў Аляксандра Лукашэнкі ад будучай сустрэчы з прэм'ер-міністрам Пакістана Навазам Шарыфам.
Як сведчаць звесткі Нацыянальнага статыстычнага камітэта Беларусі, паводле вынікаў першых шасці месяцаў гэтага года тавараабарот з Кітаем абрынуўся на 31,5% і склаў 966,6 млн даляраў. Па гэтым паказчыку Паднябесная займае пятае месца.
Пры гэтым беларускі экспарт скараціўся на 22,6% і складае ўсяго 95,2 млн даляраў, а адмоўнае сальда - 776, 2 млн даляраў.
У спісе найбуйнейшых гандлёвых партнёраў Беларусі Пакістан займае паводле вынікаў паўгоддзя 54-ю пазіцыю. Таваразварот з шостай па колькасці насельніцтва краінай у свеце склаў усяго 26,4 млн даляраў, скараціўшыся ў параўнанні з аналагічным перыядам мінулага года на 15,5%.
«Заўтра тваёй краіны» склала топ-25 гандлёвых партнёраў Беларусі з краін «астатняга свету».
Характэрна, што асноўны экспартны тавар Беларусі ў гэтыя краіны - калійныя ўгнаенні.
У рэйтынг не ўваходзяць прадстаўнікі Еўразвязу, былога СССР, а таксама ЗША і Канады.
Топ-25 важнейшых гандлёвых партнёраў Беларусі ў краінах «астатняга свету»