Беларусь у лідарах у росце коштаў

За сем месяцаў 2016 году спажывецкія кошты ў краіне павялічыліся на 7,8%.

Згодна з аналізам звестак нацыянальных органаў статыстыкі, праведзенага БелаПАН, Беларусь заняла першае месца на тэрыторыі постсавецкай прасторы па росце спажывецкіх цэн у студзені-ліпені 2016 года.

За сем месяцаў спажывецкія кошты ў краіне павялічыліся на 7,8%. Далей ідуць Азербайджан (5,9%), Казахстан (5,2%), Украіна (4,8%), Расея (3,9%), Таджыкістан (3,7%), Эстонія (1,8%), Латвія (0,8%) і Літва (0,3%). Цэны знізіліся ў Малдове (на 0,9%), Грузіі (на 1%), Кыргызстане (на 2,3%) і Арменіі (на 3,3%). У Туркменістане і Узбекістане апублікаваная інфармацыя за першае паўгоддзе (рост коштаў склаў адпаведна 0,43% і 2,5%). У самаабвешчаным Прыднястроўі, які мае ўласную фінансавую сістэму, цэны павялічыліся за студзень-ліпень на 2,31%.

Паводле вынікаў студзеня Беларусь была трэцяй па росце цэн (1,9%), студзеня-лютага - другой (4,8%), першага квартала - другой (5,7%), студзеня-красавіка - другой (6,4%) , студзеня-траўня - першай (7%), першага паўгоддзя - першай (7,4%).

У ліпені 2016 года Беларусь з ростам цэнаў на 0,4% заняла чацвёртае месца пасля Таджыкістана (0,6%), Казахстана і Расеі (па 0,5%). Далей ідзе Грузія (0,2%). Не змяніліся цэны ў Эстоніі, знізіліся ва Украіне (на 0,1%), Азербайджане, Латвіі (на 0,3%), Кыргызстане (на 0,5%), Літве (на 0,7%), Малдове (на 0 , 9%) і Арменіі (на 2,3%).

Па росце коштаў у студзені-ліпені 2015 г. (на 7,5%) Беларусь заняла трэцяе месца на тэрыторыі былога СССР.