Мірны стаў адзіным прадстаўніком Беларусі на US Open
- 31.08.2016, 10:40
- 10,016
Астатнія беларускія тэнісісты пакідаюць Нью-Ёрк.
Максім Мірны застаўся адзіным прадстаўніком Беларусі на адкрытым чэмпіянаце ЗША ў тэнісе.
Сёння ветэран беларускага тэніса выйдзе на корт разам з кітаянкай Ксяа-Чынг Чан у стартавым матчы спаборніцтваў змешаных пар супраць славенкі Катарыны Срэбатнік і фіна Хенры Канцінена.
У мужчынскім парным разрадзе Максім Мірны і філіпінец Трэт Хьюі пасеяны пад дзевятым нумарам і ў першай сустрэчы будуць спаборнічаць з яшчэ адным інтэрнацыянальным тандэмам - Нікалас Альмагра (Гішпанія)/Віктар Эстрэла Бургас (Дамініканская Рэспубліка), паведамляе БелТА.
Астатнія беларускія тэнісісты пакідаюць Нью-Ёрк. Напярэдадні Ілля Івашка (182-ы нумар сусветнага рэйтынгу), які прабіўся ў асноўную сетку праз кваліфікацыю, прайграў гішпанцу Пабла Карэньё-Бусце (39) - 0:6, 5:7, 2:6.
Раней свае выступы на US Open завяршылі Аляксандра Сасновіч, Вольга Гаварцова, Арына Сабаленка і Ягор Герасімаў.