Аляксандр Хацкевіч: Таварыскі матч гуляюць з таварышамі, а нас у Нарвегіі чакае кантрольны паядынак

Матч Нарвегія - Беларусь пройдзе сёння і пачнецца а 20.30 паводле беларускага часу.

Галоўны трэнер каманды Беларусі ў футболе Аляксандр Хацкевіч распавёў «Прессболу» аб маючым адбыцца госцевым паядынку з камандай Нарвегіі.

- Нейкія праблемы турбуюць?

- Як вы ведаеце, Ігар Стасевіч у апошняй гульні атрымаў пашкоджанне. Будзем бачыць па яго стане ці зможа ён выйсці на поле. Паглядзім, што скажуць лекары. У Колі Сігневіча таксама пашкоджанне - моцны ўдар, але гэта не такая вялікая праблема.

- Звычайна кажуць, што ў таварыскіх матчах вынік - не галоўнае. Аднак перамагаць хочацца заўсёды...

- Мы ў кожным паядынку гуляем на вынік. Тым больш цяпер, перад стартам адборачнага цыклу. Пазітыўны зыход матчу надае ўпэўненасці і настрою. Наогул таварыская сустрэча - гэта калі ты выходзіш на поле з таварышамі. А нас чакае кантрольная гульня. Яна важная і ў плане падрыхтоўкі да кваліфікацыі чэмпіянату свету, і ў плане выніку.

- Каманда Нарвегіі ўжо даўно не прабівалася на топ-турніры. Ці можна сказаць, што мы з ёй больш-менш супастаўныя па класе?

- У Нарвежцаў усё-такі гісторыя багацейшая, досведу больш, у мінулым удзельнічалі ў чэмпіянатах свету і Еўропы. Ну а якія ў іх зараз праблемы - гэта, як той казаў, іх асабістыя пытанні. На мой погляд, на гэты момант мы з імі - дзве роўныя каманды.

Матч Нарвегія - Беларусь пройдзе 31 жніўня на стадыёне «Уллевол» і пачнецца а 20.30 паводле беларускага часу. Сустрэчу ў жывым эфіры пакажа тэлеканал «Беларусь 5».