Следства не гатовае выступіць аб справе Шарамета

Украінская паліцыя не гатовая апублікаваць дэталі расследавання забойства журналіста Паўла Шарамета.

Пра гэта "Украінскай праўдзе" заявіў прэс-сакратар Нацыянальнай паліцыі Украіны Яраслаў Тракала.

Ён распавёў, што словы дарадцы кіраўніка МУС Івана Стайко няправільна зразумелі.

"Мелася на ўвазе, што цяпер следства вядзецца ўсебакова ў многіх кірунках, вельмі вялікі аб'ём работ і, зразумела, што падчас гэтай працы мы атрымліваем нейкую новую інфармацыю, нейкія новыя зветкі, якія будуць апублікаваныя найбліжэйшым часмам, але тады, калі следства палічыць магчымым данесці грамадскасці гэтыя падрабязнасці", - сказаў ён.

"Як толькі следства скажа, што ёсць дабро на абнародаванне для грамадскасці інфармацыі, мы адразу будзем яе апублікаваць", - сказаў ён.

Як вядома, у эфіры аднаго з украінскіх каналаў 29 жніўня Стойка сказаў: "Дэталі цяпер ніхто не мае права выдаваць. Але на гэтым этапе кіраўніцтва паліцыі праз некалькі дзён скажа тыя дэталі, якія можна абвясціць. Следства ідзе і яно ідзе ўсебакова".

19 жніўня старшыня Нацыянальнай паліцыі Хація Дэканаідзэ заявіла аб адсутнасці вялікага прагрэсу ў справе расследавання забойства Шарамета і адзначыла, што катэгарычна супраць выдавання ўсялякіх дэталяў расследавання.

4 жніўня следчыя паведамілі, што паводле справы апытана амаль 500 сведак, канфіскавана амаль 150 камер, у следства больш за 140 тэрабайт інфармацыі. Следчыя таксама папрасілі дапамагчы знайсці сведкаў паводле справы аб забойстве Шарамета.