Карымаў болей жывы, чым мёртвы
30- 31.08.2016, 21:35
- 33,764
Лекары НДІ Бурдэнкі вылецелі ва Узбекістан лячыць Карымава.
Лекары НДІ нэйрахірургіі імя Бурдэнкі знаходзяцца ва Узбекістане, дзе займаюцца лячэннем прэзідэнта Іслама Карымава, высветліў РБК. Раней віцэ-прэм'ерка Вольга Галадзец заявіла пра адсутнасць запыту Ташкента на лячэнне прэзідэнта.
Расейскія лекары займаюцца лячэннем прэзідэнта Узбекістана Іслама Карымава, распавяла крыніца ў медыцынскіх колах і пацвердзіў навуковы кіраўнік Навукова-даследчага інстытута нэйрахірургіі імя акадэміка Бурдэнкі Аляксандр Канавалаў. «Яны там даўно, ужо з першага моманту, знаходзяцца - нашы лекары», - заявіў Канавалаў. Паводле ягоных слоў, апякуецца гэтай праблемай дырэктар інстытута, загадчык нэйратраўматалагічнага аддзялення Аляксандр Патапаў. На момант публікацыі матэрыялу ён быў недаступны для каментароў.
Раней віцэ-прэм'ерка Расеі Вольга Галадзец заявіла, што Узбекістан не звяртаўся да Расеі з афіцыйным запытам на лячэнне Карымава. «Мы заўсёды даем дапамогу, калі да нас звяртаюцца, з нагоды складаных тэхналагічных аперацый, якіх няма на якой-небудзь тэрыторыі сумежнай дзяржавы. Але такога афіцыйнага звароту мы не мелі», - адказала Галадзец на пытанне журналістаў.
Пра хваробу Карымава стала вядома 28 жніўня з паведамлення інфармагенцтва «Фергана». На наступны дзень інфармацыю аб тым, што прэзідэнт Узбекістана перанёс інсульт, быў шпіталізаваны і знаходзіцца ў цяжкім стане, пацвердзіла ягоная малодшая дачка Лола Карымава-Тыляева.
Увечары, 29 жніўня, «Фергана» паведаміла пра смерць Карымава, аднак афіцыйнага пацверджання гэтай інфармацыі не паступала. Крыніцы «Інтэрфакса» і «РІА Новости» ў апараце ўраду Узбекістана заявілі, што Карымаў жывы і знаходзіцца ў шпіталі ў стабільна цяжкім стане.