Максім Мірны выйшаў у другое кола міксту на US Open

Тэнісіст паспяхова пачаў выступ на адкрыты чэмпіянат ЗША па тэнісе.

Для 39-гадовага Максіма Мірнага гэта ўжо 20-ы па ліку турнір на нью-ёркскіх кортах «Флашынг Медоўз», паведамляе БелТА.

У першым матчы спаборніцтваў змешаных пар Мірны і прадстаўніца Тайваня Чан Хао-Чын, пасеяныя пад 5-м нумарам, падолелі ў двух сэтах славенку Катарыну Срэбатнік і фіна Хенры Канцінена - 6:4, 6:4.

Сёння ў стартавым матчы мужчынскага парнага разраду Максім Мірны і філіпінец Трэт Хьюі (9-ы нумар пасеву) сустрэнуцца з іншым інтэрнацыянальным тандэмам - Нікалас Альмагра (Гішпанія)/Віктар Эстрэла Бургас (Дамініканская Рэспубліка).

Летась Максім Мірны двойчы станавіўся пераможцам US Open у мужчынскім парным разрадзе - у 2000 годзе (разам з аўстралійцам Лейтанам Х'юітам) і ў 2002-м (з індыйцам Махешам Бхупаці). Акрамя таго, Максім Мірны тройчы быў пераможцам у спаборніцтвах змешаных пар - у 1998-м (з амерыканкай Серэнай Уільямс), у 2007-м (з Вікторыяй Азаранкай) і ў 2013-м (з чэшкай Андрэа Хлавачковай).