Міхаіл Грабоўскі: Веру ў перамогу нацыянальнай каманды Беларусі

Матч Данія - Беларусь адбудзецца сёння і пачнецца а 19.00 паводле беларускага часу.

Нападнік «Айлендэрс» і нацыянальнай каманды Беларусі Міхаіл Грабоўскі ў сваім «Інстаграме» зычыць поспеху нацыянальнай камандзе ў хакеі ў Алімпійскай кваліфікацыі.

«Я зычу ўдачы і веру ў перамогу нашай нацыянальнай каманды. Хацелася б быць там, каб падтрымаць каманду, краіну. Я мяркую, што мы можам зрабіць гэта. Наперад, Беларусь!», - напісаў Грабоўскі.

Сам Грабоўскі прадаўжае набіраць кандыцыі пасля цяжкай траўмы і ў матчах алімпійскай кваліфікацыі Беларусі не дапаможа.

Матч Данія - Беларусь адбудзецца сёння і пачнецца а 19.00 паводле беларускага часу. У жывым эфіры паядынак пакажа тэлеканал «Беларусь 5».