«Белавія» пракаментавала сітуацыю з затрымкай рэйса Менск-Мілан
- 1.09.2016, 16:22
- 8,424
«Бомбу» на борце самалёта шукалі тры з паловай гадзіны.
Авіякампанія «Белавія» афіцыйна пракаментавала сітуацыю з затрымкай рэйса Менск-Мілан, паведамляе interfax.by.
«1 верасня 2016 года ў офіс авіякампаніі «Белавія» паступіў ананімны званок з інфармацыяй аб закладзенай выбуховай прыладзе на рэйсе авіякампаніі Менск-Мілан-Менск.
Пра гэты факт «Белавія» неадкладна праінфармавала праваахоўныя органы Рэспублікі Беларусь і Італійскай Рэспублікі для правядзення адпаведных праверачных мерапрыемстваў», - гаворыцца ў паведамленні, размешчаным на афіцыйным сайце кампаніі.
«Пасля праверкі рэйс Менск-Мілан NВ2-881 вылецеў а 15.17, затрымка склала тры з паловай гадзіны. Пасажырам было пададзенае дадатковае харчаванне», - праінфармавалі ў «Белавія».
Авіякампанія прынесла свае прабачэнні за затрымку рэйса.