На пускавой платформе NASA адбыўся выбух
5- 1.09.2016, 17:20
- 31,254
Пры выпрабаваннях новай ракеты SpaceX у Фларыдзе раздалася серыя выбухаў.
Як паведамляе Accociated Press са спасылкай на NASA, падчас выпрабавання сістэм ракеты на пляцоўцы Space X у Фларыдзе адбыўся выбух, за якім рушылі ўслед яшчэ некалькі (пераклад - РБК).
Запуск новай ракеты быў запланаваны на суботу, 3 верасня з мыса Канаверал. Ракета павінна была вывесці на арбіту ізраільскі спадарожнік.
Выбух адчуваўся ў некалькіх кіламетрах ад месца здарэння, удакладняе AP. У неба паднялося воблака дыму.
Wow, SpaceX rocket just blew up on pad. Shook our whole bldg. pic.twitter.com/PMxZA4v4IV
— SpaceCoastTiger (@TigernBear) 1 сентября 2016 г.
Як адзначае Florida Today, прадстаўнікі SpaceX не змаглі адразу пракаментаваць здарэнне. Адзін з відавочцаў распавёў выданню, што «нечакана адбыўся гукавы ўдар і будынак пачало трэсці»
«Мы выйшлі на вуліцу і ўбачылі слуп дыму», - распавёў суразмоўца выдання.
