Нацбанк выключыў з абарачэння 90% ранейшых грошай

На руках у беларусаў застаецца дробязь.

Нацыянальны банк ужо выключыў з абарачэння блізу 90% купюр састарэлага ўзору ад сумы гатоўкі, якая знаходзіцца па-за касай Нацбанку. Пра гэта tut.by паведамілі ў прэс-службе рэгулятара. Па-ранейшаму, больш актыўна з абарачэння сыходзяць буйныя наміналы, а дробязь людзі зберагаюць для сувеніраў.

«Калі ж глядзець па колькасці купюр, то канфіскавана блізу 50% ранейшых грошай, - удакладнілі ў Нацбанку. - На руках цяпер застаюцца толькі дробныя наміналы. Буйных (50, 100 і 200 тысяч рублёў) банкнот у абарачэнні ўжо практычна не засталося».

Аднак прэс-служба рэгулятара мяркуе, што да канца выключыць усе купюры не атрымаецца. «У суме гэты паказчык будзе вельмі блізкі да 100 адсоткаў, але ў колькасці, хутчэй за ўсё, не. Гэта звязана з тым, што многія пакінуць сабе дробязь у якасці сувеніраў».

Нагадаем, што да пераходу на новыя грошы ў краіне ўжывалася 600 мільёнаў купюр ранейшага ўзору. Замяніць іх на новыя Нацбанк разлічвае да кастрычніка. Але пры гэтым, паводле закону, грошы ўзору 2000 года (гэта значыць, недамінаваных) можна выкарыстоўваць у разліках да канца 2016 года.

Затым грошы можна будзе абмяняць у банках і Нацбанку. Паспець зрабіць гэта трэба будзе да 2022 года.

Дарэчы, за першыя два тыдні пасля дэнамінацыі з абарачэння было выведзена 40-45% грошай з «лішнімі нулямі». Праз месяц пасля дэнамінацыі «сышло» ўжо 70% купюр.