На мяжы пачала працаваць сістэма электроннага рэзервавання чаргі

1 верасня ў міжнародным аўтадарожным пункце пропуску «Берасце» пачала працаваць сістэма электроннай чаргі транспартных сродкаў.

Tut.by выпрабаваў яе на сабе.

Як зарэзерваваць чаргу

Сэрвіс рэзервавання belarusborder.by надзвычай зразумелы кожнаму карыстальніку інтэрнэту: запаўняй формы, цісні кнопку «Далей» - і афармляй рэзервацыю. Спачатку трэба зарэгістравацца - як фізічная або юрыдычная асоба. Затым аплаціць: 1 базавую адзіку за праезд у выходныя і святы, 0,8 базавай - у буднія дні. Глядзім вольны час у цікавую для нас дату, выбіраем. Найлепш, вядома, рабіць гэта загадзя: час уезду ў пункт пропуску можна зарэзерваваць за 90 дзён, але не пазней за тры гадзіны да жаданага часу ўезду. Рэгіструем транспартны сродак.

Майце на ўвазе, звесткі кіроўцы і транспартнага сродку потым правяраюцца на мяжы - калі яны не супадуць з названымі пры рэзерваванні, у перасячэнні мяжы з рэзервацыяй вам будзе адмоўлена. Атрымліваем інфармацыю аб рэзервацыі: можна выбраць дубляванне на e-mail, можна раздрукаваць. У прызначаны час прыязджаем у пункт пропуску. На ўездзе ў «назапашвальнік» перад КПП «Берасце» вы працягваеце свой тэхпашпарт, вас рэгіструюць і адпраўляюць за шлагбаум на адзін з каналаў.

Пасля рэгістрацыі аўтамабіля ў сістэме вы стаіце ў чарзе і чакаеце, пакуль ваш нумар не адлюструецца на вялікім экране. Затым супрацоўнік УП «Памежны сэрвіс» у адпаведнасці са спісам на табло падае сігнал на адкрыццё шлагбауму.

Як прайсці мяжу на практыцы

Зарэзервавалі інтэрвал з 10.00 да 11.00. У адстойнік заехалі пад 10.50 у аб'езд жывой чаргі. Далей працэс прыкладна той жа самы: перадалі тэхпашпарт жанчыне ў будцы, яна нас зарэгістравала і адкрыла шлагбаум. Супрацоўнік адправіў нас на пусты канал - які выдзелілі спецыяльна для электроннага рэзервавання. Прыкладна праз 12 хвілін шлагбаум перад намі падняўся і мы праехалі да пункта пропуску. Агулам увесь працэс заняў 21 хвіліну.

Ахвотных праехаць да мяжы ў абыход чаргі сёння было мала. Магчыма, гэта звязана з тым, што паслуга электроннага рэзервавання на сайце стала даступнай толькі ўчора ў другой палове дня.

Кіроўцы ў «назапашвальніку» сустракалі, як першапраходцаў, і адразу закідвалі пытаннямі: колькі каштуе, як працуе. Але далёка не ўсе кіроўцы ўпадабалі новыя правілы праезду да пункта пропуску. Да электроннай чаргі і зняцця абмежаванняў вялікую частку часу яны прастойвалі непасрэдна на мяжы, а цяпер вымушаныя стаяць яшчэ і на ўезд у «назапашвальнік». Як жартуюць самі людзі, даводзіцца.