На межах з Польшчай выраслі чэргі

Звязваюць гэта з тым, што знялі часовыя абмежаванні на вываз паліва з краіны.

Ужо з раніцы транзітны пункт Брузгі адчувальна ажывіўся. Пад поўдзень у бок Польшчы сабралася чарга, а ахвочых пераехаць мяжу ўсе дадавалася, піша kp.by.

Толькі за 20 км ад Гародні размяшчаецца пункт Брузгі. Ні для каго не сакрэт, што львіная доля гарадзенцаў «падрабляе на Польшчы». Авантурысты перавозяць туды цыгарэты, назад тэхніку і адзенне. Да 2011 года адным з самых папулярных метадаў зарабіць грошыкі быў вываз паліва. Для абароны рынку ўрад увёў мыту - на адным аўтамабілі можна было вольна пераязджаць мяжу толькі адзін раз на 8 дзён. Заўзятыя кантрабандысты пераабсталявалі свае аўто на газ і працягнулі свой маленькі прымежны бізнэс.

Істотныя змены адбыліся сёння 1 верасня. Мяжа сустрэла гэтыя перамены чэргамі.

- Паліва? - усміхаюцца хлопцы ў «Пасаце», - мы «на закупы».

Такіх аўто «на закупы» ў чарзе на памежным пераходзе Брузгах блізу 50. Людзі стаяць у чарзе на «зялёным» канале. Але ўсё адно, калі параўноўваць часы росквіту бізнэсу «бензавозаў», то чэргі на мяжы сёння сціплыя. А з другога боку - з Польшчы ў Беларусь і зусім пуста.

- Летась купілі працоўнага коніка. Паставілі на нашу сотку (AUDI-100 - Аўт.) газ. Гэта 500 даляраў, на ўсялякі выпадак. Не буду казаць, што вазілі - але ездзілі, бывала, і тры разы на дзень! Грошы, вядома, кампенсавалі. Часам траплялі і на штрафы. Гэх, знялі б абмежаванні раней, - смяецца 21-гадовы хлопец. - Цяпер жах што на мяжы будзе дзеяцца! Уся Гародня пацісне ў Польшчу.

Калькулятар кантрабандыста

Тамара з усёй сям'ёй з сярэдзіны 90-х гадоў займаецца гэтым бізнэсам, прычым вельмі паспяхова...

- Чэргі павялічацца, вядома. Цяпер заробкі ў краіне такія, што людзі гэтую магчымасць марнаваць не будуць. У цэлым з выправы можна мець $20 прыбытку мінімум. Нават калі ездзіць 20 дзён на месяц (а шмат хто прымудраецца і два разы на дзень) - гэта 400 даляраў. Мінус поліс на аўтамабіль 50 еўраў на месяц. Выходзіць пад $340, неблагі беларускі заробак. А калі ўлічыць, што нехта ў Беларусі танней паліва бярэ, а хтосьці і наогул крадзе - гэтая жыла становіцца і зусім залатой...