Пенсійны ўзрост неўзабаве могуць падняць да 65 гадоў

МВФ настойліва рэкамендуе ўладам Беларусі прадоўжыць рэфармаванне пенсійнай сістэмы.

Міжнародны валютны фонд прывітаў намаганні афіцыйных органаў Беларусі ў рэфармаванні пенсійнай сістэмы. Разам з тым экспэрты фонду настойліва рэкамендавалі ўладам прадоўжыць рэформы, каб ліквідаваць пенсійны разрыў пасля 2022 года. Пра гэта гаворыцца ў дакладзе персаналу МВФ, піша БелаПАН.

Адзначаецца, між іншым, што цяпер пенсійная сістэма Беларусі практычна цалкам збалансавана дзякуючы прынятым у апошнія гады мерам. Адлічэнні працадаўцаў і ўзносы работнікаў прыблізна адпавядаюць пенсійным выплатам. Пры гэтым экспэрты фонду канстатуюць, што такая сітуацыя не характэрная для рэгіёну (у многіх аналагічных краінах назіраюцца дысбалансы) і адлюстроўвае шэраг мер палітыкі, прынятых у Беларусі ў апошнія гады ў мэтах падтрымання балансу, нягледзячы на негатыўныя дэмаграфічныя тэндэнцыі. Такія меры ўключаюць нядаўняе павелічэнне мінімальнага стажу работы для назначэння пенсіі старасці з 5 да 20 гадоў.

На думку МВФ, нядаўна прынятае пастанова аб паступовым павелічэнні пенсійнага ўзросту змякчыць негатыўныя дэмаграфічныя тэндэнцыі і дазволіць падтрымліваць баланс пенсійнай сістэмы да канца 2022 года. Са студзеня 2017 года пенсійны ўзрост будзе штогод павялічвацца на шэсць месяцаў, пакуль не дасягне 63 гадоў для мужчын і 58 гадоў для жанчын, а таксама будуць праведзены эквівалентныя павышэння для ільготных пенсій, пенсiй за выслугу гадоў і вайсковых пенсій.

Аднак, падкрэсліваюць экспэрты фонду, для прадухілення дэфіцыту пенсійнай сістэмы неабходна правесці дадатковыя рэформы ў перыяд да 2023. У аналізе персаналу МВФ змяшчаецца прагноз, што пачынаючы з 2023 года бюджэт пенсійнай сістэмы будзе штогод зніжацца прыблізна на 0,15% ВУП. «Афіцыйныя органы публічна паабяцалі прыняць дадатковыя меры (але не ўдакладнілі, якія канкрэтна) у мэтах падтрымання балансу пенсійнай сістэмы», - гаворыцца ў дакладзе.

Як адзначаюць у МВФ, дадатковыя рэформы ў перыяд да 2023 створаць прастору для зніжэння вельмі высокага адсотка адлічэнняў на сацыяльнае забеспячэнне, якая складае 35% (29% ідуць на пенсійныя адлічэнні, астатнія 6% - на іншыя сацыяльныя праграмы). На думку экспэртаў, меры могуць уключаць: паступовае павелічэнне пенсійнага ўзросту для мужчын і жанчын да 65 гадоў і наступную яго прывязку да сярэдняй працягласці жыцця; пераіндэксацыю пенсійных дапамог з улікам інфляцыі, а не тэмпу росту заробку ў доўгатэрміновай перспектыве (пры захаванні пэўнага змешанага варыянту для мінімальных пенсій); далейшае абмежаванне практыкі датэрміновага выхаду на пенсію; меры стымулявання попыту на работнікаў старэйшай узроставай групы.