Кожны беларус завінаваціўся на 3 тысячы даляраў

За два гады Беларусь страціла 30 мільярдаў даляраў УБП, а кожны беларус па 3 тысячы даляраў.

«Праз такія вынікі за апошнія два гады любы ўрад падаў бы ў адстаўку, - заявіў кіраўнік аналітычнага цэнтра «Стратэгія», эканаміст Леанід Заіка ў інтэрв'ю сайту ucpb.org:

«Мае ўласныя падлікі паказалі, што за паўгода УБП Беларусі склала 22 мільярды даляраў і, мяркуючы па ўсім, мы выйдзем на лічбы 45 мільярдаў УБП паводле вынікаў года. г.зн. атрымаем 30 мільярдаў даляраў страт за два гады. Гэта бянтэжыць. Такое рэзкае падзенне было нечаканым нават для прафесіяналаў.

Мы казалі, пісалі, што неабходная больш узважаная эканамічная палітыка. Яна павінна быць арыентаваная на канчатковы вынік, на эфектыўную вытворчасць, і не трэба гандляваць нафтай. І вось - вынік набору памылак урада выказаўся ў тым, што мы страцілі 30 мільярдаў. А гэта наш заробак, нашы бальніцы, узровень жыцця. Беларусы гэта адчулі. Як-ніяк страты - 3 тысячы даляраў на кожнага беларуса за 2 гады, па 250 за месяц.

Цяпер вы і ў Егіпет не паляціце, а будзеце на градцы займацца памідорамі. Такія рэзкія падзенні, скачкі мала дзе адбываюцца. Мы ў гэтым плане ўнікальная краіна. Любы ўрад падаў бы ў адстаўку праз такія вынікі апошніх двух гадоў. І цяпер неабходны прафесійны разбор, што прымусіла нас так хутка збяднець».