Дзень габрэйскай культуры пройдзе заўтра ў Менску
15- 24.09.2016, 13:33
- 12,710
Мерапрыемства адбудзецца 25 верасня на тэрыторыі Верхняга горада з 12.00 да 18.00.
Арганізатары свята запрашаюць менчукоў і гасцей сталіцы пазнаёміцца з габрэйскай культурай, традыцыямі: плануюцца выставы, майстар-класы, прэзентацыі габрэйскай кухні, дэгустацыя страў.
У праграме - паказальныя выступленні майстроў ізраільскага баявога мастацтва Краў Мага, віктарыны, конкурсы, а таксама вялікая дзіцячая забаўляльная праграма.
Стварыць непаўторны каларыт дапамогуць габрэйскія выканаўцы, калектывы і тэатры з розных куткоў Беларусі.
Спецыяльны госць свята - Орлі Гальдштэйн з традыцыйнымі габрэйскімі танцамі Рыкудэй-Ам.
Арганізатары свята - Менскі гарвыканкам і Саюз беларускіх габрэйскіх грамадскіх аб'яднанняў і абшчынаў пры падтрымцы пасольства Ізраіля ў Беларусі, Ізраільскага культурнага цэнтра.