Кіраўніца Нацыянальнай паліцыі Украіны зноў выказаўся аб справе Шарамета
3- 24.09.2016, 13:39
- 14,615
Кіраўніца Нацыянальнай паліцыі Украіны Хація Дэканаідзе агучыла адзін з магчымых матываў забойства журналіста Паўла Шарамета.
Пра гэта паведамляе «112 Украіна».
Дэканаідзе мяркуе, што забойства было выгадна тым, хто хоча расхістаць сітуацыю ва Украіне.
«Злачынства вельмі маштабнае, і не толькі таму, што Шарамет быў выбітным журналістам... Я б не выключала, што вельмі шмат ворагаў зацікаўлена ў тым, каб расхістаць сітуацыю ў краіне», - сказала Дэканаідзе падчас брыфінгу ў Кіеве.
Нагадаем, што міністр унутраных спраў Арсен Авакаў сцвярджае, што следства ў справе аб забойстве журналіста Паўла Шарамета ідзе інтэнсіўна, але адмаўляецца паведамляць якую-небудзь звязаную з ім інфармацыю, спасылаючыся на таямніцу следства.