Менскае «Дынама» падолела аднаклубнікаў з Масквы
7- 24.09.2016, 20:53
- 14,610
«Зубры» адправілі ў браму масквічоў тры шайбы без адказу.
У першым двубоі чатырохматчавай выязной серыі ў чэмпіянаце Кантынентальнай хакейнай лігі менскае «Дынама» перамагло маскоўскіх аднаклубнікаў - 3:0 (1:0, 0:0, 2:0).
Шайбы на свой рахунак запісалі: Нік Бэйл (8.39, у большасці, асістэнты - Клінкхамер, Кавыршын), Андрэй Сцяпанаў (56.01), Аляксандр Мацярухін (58.35, Кулакоў, Клінкхамер).
Нагадаем, менская каманда пазней стартавала ў новым сезоне КХЛ у сувязі з удзелам беларускай каманды у алімпійскім кваліфікацыйным турніры, таму мае некалькі сустрэч у запасе. Астатнія каманды КХЛ правялі ўжо ад 10 да 13 сустрэч.
26 верасня менскае «Дынама» згуляе з казанскім «Ак Барсам», 28-га - з тальяцінскай «Ладай», 30-га - з ніжнякамскім «Нефцехімікам».