У Азербайджане праходзіць «рэферэндум» аб прадаўжэнні тэрміну для Аліева
6- 26.09.2016, 11:32
- 12,841
Азербайджанская апазіцыя мяркуе, што прапанаваныя змены ўзмоцняць аўтарытарны характар кіроўнага рэжыму, і заклікае да байкоту галасавання.
У Азербайджане ў панядзелак стартаваў рэферэндум у змяненні і дапаўненні канстытуцыі краіны.
Ён быў прапанаваны прэзідэнтам Ільхамам Аліевым і прадугледжвае змены ў 29 артыкул асноўнага закона краіны – між іншым, падаўжэнне тэрміну прэзідэнцкіх паўнамоцтваў, паведамляе BBC.
У агульнай складанасці выбарцы галасуюць аб 29 пункце.
Сярод іншага жыхарам Азербайджана прапануецца павялічыць тэрмін паўнамоцтваў прэзідэнта з пяці да сямі гадоў і выключыць з канстытуцыі палажэнні аб тым, што прэзідэнтам Азербайджана можа быць абраны грамадзянін краіны не маладзейшы за 35 гадоў.
Акрамя таго, у асноўны закон прапануецца ўнесці пункты аб надзяленні прэзідэнта правам роспуску Мілі Меджліса (парламента краіны) і абвяшчэнні пазачарговых выбараў кіраўніка дзяржавы.
Азербайджанская апазіцыя ўважае, што прапанаваныя змены ўзмоцняць аўтарытарны характар кіруючага рэжыму, і заклікае да байкоту галасавання.
Рэферэндум будзе прызнаны адбыўшымся, калі ў ім возьмуць удзел больш за 25% выбарцаў. Вынесеныя на рэферэндум пытанні ўважаюцца прынятымі, калі за іх прагаласуюць больш за палову выбарцаў, якія ўдзельнічаюць у галасаванні.