Тэнісістка Вера Лапко паднялася адразу на 500 радкоў у парным рэйтынгу WTA
1- 26.09.2016, 12:40
- 12,630
З 26 верасня яна займае рэкорднае для сябе 291-е месца супраць 791-га на мінулым тыдні.
Беларуская тэнісістка Вера Лапко, якой 29 верасня споўніцца 18 гадоў, паднялася адразу на 500 радкоў у парным рэйтынгу WTA. З 26 верасня яна займае рэкорднае для сябе 291-е месца супраць 791-га на мінулым тыдні, паведамляе tut.by.
На мінулым тыдні Вера Лапко разам з Вольгай Гаварцовай дайшлі да фіналу турніру ў Гуанчжоў (Кітай). Прычым у паўфінале яны выбілі з барацьбы знакамітых тэнісістак Марціну Хінгіс (Швейцарыя, 2-е месца ў парным рэйтынгу) і Алену Янкавіч (Сербія, 134-е ў парным, 39-е ў адзіночным).
У адзіночным рэйтынгу Лапко перамясцілася з 348-га на 332-е месца, што таксама з'яўляецца яе найвышэйшым дасягненнем на гэты момант.
Гаварцова, рэдка выступае ў дуэце, паднялася ў парным рэйтынгу з 531-га на 243-е месца, у адзіночным - вярнулася ў другую сотню (196-е супраць 209-га).
Найлепшай з беларусак у адзіночным разрадзе па-ранейшаму застаецца прыпыніўшая кар'еру праз цяжарнасць Вікторыя Азаранка, яна займае 11-е месца.
Аляксандра Сасновіч, нягледзячы на даволі паспяховы выступ на турніры ў Токіа, дзе была пераможаная 6-я ракетка свету Караліна Плішкова, апусцілася на 14 пазіцый.
На чале рэйтынгу WTA па-ранейшаму Ангеліка Кербер з Нямеччыны.
1 (1). Ангеліка Кербер (Нямеччына) - 8730 балаў
2 (2). Серэна Уільямс (ЗША) - 7050
3 (3). Гарбін Мугуруса (Гішпанія) - 5830
4 (4). Агнешка Радваньска (Польшча) - 5530
5 (5). Сымона Халеп (Румынія) - 4742
6 (6). Караліна Плішкова (Чэхія) - 4425
7 (7). Вінус Уільямс (ЗША) - 3815
8 (8). Карла Суарэс Навара (Гішпанія) - 3330
9 (9). Мэдзісан Кіз (ЗША) - 3287
10 (10). Святлана Кузняцова (Расея) - 3250
11 (11). Вікторыя Азаранка (Беларусь) - 3121...
... 121 (107). Аляксандра Сасновіч (Беларусь) - 529
... 154 (177). Арына Сабаленка (Беларусь) - 372
... 196 (209). Вольга Гаварцова (Беларусь) - 277
... 332 (348). Вера Лапко (Беларусь) - 122
... 518 (548). Ілона Крэмень (Беларусь) - 54
... 524 (586). Святлана Піражэнка (Беларусь) - 53
... 527 (532). Ірына Шымановіч (Беларусь) - 52.