Улады рыхтуюць перадзел страхавога рынку

Урад падрыхтаваў вельмі сур'ёзныя змяненні ва ўказы, якія рэгламентуюць вядзенне страхавой дзейнасці.

З аднаго боку, стане нашмат прасцей і бізнэсу і простым грамадзянам. З іншага, некаторыя змены трохі палохаюць.

Адпаведны праект указу Лукашэнкі пакуль праходзіць узгадненне ў міністэрствах і ўстановах, а таксама збіраюцца прапановы што да праекта ў страхавых арганізацыях. Але ўжо зараз, на падставе дакумента, наяўнага ў распараджэнні «Ежедневника», можна зрабіць выснову, што некаторыя новаўвядзенні проста канцэптуальныя.

Перш за ўсё пазітыўным момантам з'яўляецца тое, што плануецца скасаваць абмежаванні ва ўключэнні ў затраты страхавых узносаў паводле дамоваў добраахвотнага страхавання жыцця, дамоваў добраахвотнага страхавання дадатковай пенсіі і дамоваў добраахвотнага страхавання медыцынскіх расходаў, што заключаюцца наймальнікамі на карысць сваіх работнікаў. Зараз такія ўнёскі дазволена адносіць на затраты, якія ўлічваюцца пры падаткаабкладанні прыбытку, толькі ў тым выпадку, калі дамова страхавання заключаны з дзяржаўнымі страхавымі арганізацыямі. Пры гэтым пад дзяржаўным страхавымі арганізацыямі заканадаўства разумее як 100% дзяржаўныя, так і гаспадарчыя таварыствы, у якіх доля дзяржавы ў статутным фондзе складае больш за 50 адсоткаў.

Цікава, што адпаведнае абмежаванне прадугледжана п.1.1 Указа прэзідэнта №219 ад 12.05.2005. Гэта значыць беларускі бізнэс працуе з гэтым ужо больш за 11 гадоў. З аднаго боку гэта ставіла недзяржаўныя страхавыя арганізацыі ў няроўнае становішча з дзяржаўнымі. З іншага, гэта абмежаванне адмоўна ўплывала на сацыяльныя праекты беларускага бізнэсу. На гэтыя аспекты бізнэс ужо даўно звяртаў увагу ўрада, і вось нарэшце іх пачулі. У праекце ўказа, які пакуль знаходзіцца на стадыі ўзгаднення, прадугледжана выключыць з адпаведнай нормы словы «з дзяржаўнымі страхавымі арганізацыямі».

Чарговая лібералізацыя чакаецца ў сферы абавязковага страхавання грамадзянскай адказнасці ўладальнікаў транспартных сродкаў. Праект новага указ прадугледжвае павелічэнне з 400 да 600 еўраў суму шкоды пры ДТЗ, калі кіроўцы маюць права не паведамляць пра яго ў ДАІ і пры гэтым атрымаць страхавую кампенсацыю па дамове абавязковага страхавання грамадзянскай адказнасці. Нагадаем, што ў самым пачатку сума такой шкоды абмяжоўваўся ўсяго 200 еўрамі.

Праект указа прадугледжвае і пэўныя ўзмацненні жорсткасці. Напрыклад, плануецца абмежаваць дзейнасць страхавых агентаў - фізічных асоб, якія дзейнічаюць на падставе грамадзянска-прававой дамовы падпісанай са страхоўшчыкам. Калі адпаведная норма пройдзе ўзгадненне, то страхавым агентам забароняць укладаць дамовы страхавання з юрыдычнымі асобамі.

Таксама планавалася абмежаваць суму ўзнагароды такіх страхавых агентаў. Аднак паводле звестак «Ежедневника», пакуль прадстаўнікам страхавых арганізацый накшталт як удалося настаяць, каб такое абмежаванне не ўводзілі.

Аднак ва ўказе пакуль засталіся іншыя нормы, якія абмяжоўваюць дзейнасць страхавых агентаў - фізічных асоб, перш за ўсё дзейнічаюць ад імя дзяржаўнай страхавой арганізацыі.

У добраахвотных відах страхаванне прапануецца скасаваць для страхоўшчыкаў абавязковае ўзгадненне з Міністэрствам фінансаў адпаведных Правілаў. Замест гэтага страхавальнікі будуць проста апавяшчаць Мінфін аб відах добраахвотнага страхавання, якія яны маюць намер ажыццяўляць з падачай зацверджаных імі Правілаў страхавання. Гэта значыць будзе ўведзены праславуты заяўны прынцып.

Прапануецца таксама перадаць функцыю вызначэння мінімальнай сумы статутнага фонду страхоўшчыкаў і страхавых брокераў ад прэзідэнта ў вядзенне Савета Міністраў. Пры гэтым частка статутнага фонду, адпаведная яго мінімальнай суме будзе ўносіцца грашовымі сродкамі ў беларускіх рублях.

Ліберальным можна назваць яшчэ адно новаўвядзенне, якое прапануецца ўвесці. Страхавым арганізацыям і страхавым агентам у форме юрыдычнай асобы дадуць права распараджацца, у тым ліку здаваць у арэнду, маёмасць, якая належаць ім на праве ўласнасці (праве гаспадарчага вядзення або аператыўнага кіравання). Зараз гэта забаронена. Праўда даходы ад такой дзейнасці не павінны перавышаць або быць роўнымі страхавым узносам ад страхавой дзейнасці.

Урад таксама пайшоў насустрач зваротам шматлікіх арганізацый, якія дзейнічаюць у сферах, цесна звязаным з некаторымі відамі абавязковага страхавання. Калі пройдзе адпаведная прапанова, то турфірмам, афіцыйным аўтамабільным дылерам, візавым цэнтрам і дзяржаўнаму аб'яднанню «Беларуская чыгунка» дазволяць дзейнічаць у якасці страхавога агента.

Указ змяшчае і іншыя змены страхавой дзейнасці, якія плануецца ўвесці пасля падпісання дакумента.