Апазіцыя Венесуэлы: Прымусім Мадуру сысці сёлета

Маштабныя акцыі пратэсту запланаваная ва ўсёй краіне на 12 кастрычніка.

Апазіцыя Венесуэлы заклікае да новай акцыі пратэсту з патрабаваннем правесці рэферэндум аб адстаўцы прэзідэнта Нікаласа Мадура да канца гэтага года. Плануецца, што мітынгі правядуць ва ўсёй краіне 12 кастрычніка. Раней улады Венесуэлы адмовіліся правесці рэферэндум і заявілі, што ў выпадку збору неабходнай колькасці подпісаў ён можа прайсці не раней за наступны год.

«Мы правядзем рэферэндум у 2016 годзе, таму што гэта наша канстытуцыйнае права і наша патрэба. Любая спроба заблакаваць яго правядзенне прывядзе толькі да таго, што людзі выйдуць на мірныя дэманстрацыі і будуць дамагацца аднаўлення канстытуцыйнага парадку», - заклікае апазіцыянер Хесус Тарэальба, паведамляе euronews.com.

Калі апазіцыі не атрымаецца правесці рэферэндум сёлета, то нават у выпадку адхілення Нікаласа Мадура з пасады прэзідэнта, яго пасаду на тыя, два гады што засталіся, зойме прызначаны ім жа віцэ-прэзідэнт.

«Гэты рэферэндум не толькі супраць Мадуры, а і супраць гэтага жудаснага і карумпаванага ўрада. Гарэць ім усім у пекле!», - Заяўляе Энрыке Капрылес, адзін з лідараў апазіцыі.

Працаваць з апазіцыяй і вырашаць эканамічныя праблемы заклікаў Мадуру і дзяржсакратар ЗША Джон Кэры на палях цырымоніі падпісання мірнай дамовы паміж уладамі Калумбіі і паўстанцамі з групоўкі ФАРК. Гэта першая афіцыйная сустрэча шэфа амерыканскай дыпламатыі і венесуэльскага кіраўніка.