Расея забараніла рээкспарт некаторай садавіны праз Беларусь
9- 28.09.2016, 10:41
- 10,795
Пад забарону патрапілі персікі, нектарыны і вінаграда з Цэнтральнаафрыканскай Рэспублікі, а таксама абрыкосы, клубніцы і грушы з Буркіна-Фасо.
Рассельгаснагляд з 28 верасня наклаў забарону на выдачу фітасанітарных сертыфікатаў на рээкспарт праз Беларусь у РФ персікаў, нектарын і вінаграда паходжаннем з Цэнтральнаафрыканскай Рэспублікі (ЦАР) і абрыкосаў, трускаўкі і груш з Буркіна-Фаса, паведамляе ria.ru.
Рассельгаснагляд у сувязі з павелічэннем ўвозу на тэрыторыю РФ падкаранціннай прадукцыі паходжаннем з ЦАР і Буркіна-Фасо, што накіроўвалася складаным лагістычным шляхамі праз краіны ЕЗ і Беларусь, 21-22 верасня правёў перамовы ў фармаце тэлеканферэнцыі з Нацыянальнымі арганізацыямі каранціну і аховы раслін вышэйзгаданых краін (НАКАР).
Як адзначае расейская ўстанова, была атрымана інфармацыя аб адсутнасці прамысловай вытворчасці, а таксама экспарту (рээкспарту) з тэрыторыі ЦАР персікаў, нектарыны і вінаграда, а з тэрыторыі Буркіна-Фасо абрыкосаў, трускаўкі і груш.
Разам з тым НАКАР ЦАР пацвердзіла факт экспарту (рээкспарту) кавы, гародніны, бавоўны і драўніны, а НАКАР Буркіна-Фасо пацвердзіла факт экспарту цытрусавых, гародніны, фасолі і пладоў манга.
«У мэтах недапушчэння ўвозу на тэрыторыю РФ сельскагаспадарчай прадукцыі, якая патрапіла пад абмежаванні, устаноўленыя прэзідэнтам РФ і ўрадам РФ, Рассельгаснагляд накіраваў ліст у Галоўную дзяржаўную інспекцыю насенняводства, каранціну і аховы раслін Рэспублікі Беларусь аб забароне выдачы з 28 верасня 2016 года фітасанітарных сертыфікатаў на рээкспарт у РФ персікаў, нектарын і вінаграда паходжаннем ЦАР і абрыкосаў, трускаўкі і груш паходжаннем Буркіна-Фасо», - гаворыцца ў паведамленні.