РФ адмовілася ад прапанаванага ЗША сямідзённага перамір'я ў Сірыі

МЗС РФ заявіў, што сямідзённы тэрмін для рэжыму цішыні занадта вялікі.

Расея не будзе падтрымліваць прапанаванае амерыканскім урадам перамір'е ў Сірыі тэрмінам на сем дзён. Пра гэта заявіў намеснік міністра замежных спраў Расеі Сяргей Рабкоў, паведамляе РБК.

«Сямідзённы перыяд для нас непрымальны», - сказаў ён.

Са слоў намесніка кіраўніка расейскага МЗС, расейскі бок неаднаразова прапаноўвала ўвесці 48-гадзінныя паўзы ў вайсковых дзеяннях, але ЗША ад іх адмаўляліся і «праз вядомыя толькі ім прычыны зацыкліліся на патрабаванні сямідзённай паўзы».

Рабкоў растлумачыў, што сямідзённыя паўзы ў Сірыі могуць справакаваць новыя тэрарыстычныя атакі. Ён уважае, што «гэта тэрмін, дастатковы для таго, каб тэрарыстычныя групоўкі правялі неабходныя мерапрыемствы для папаўнення запасаў, перагрупоўкі сіл».

Таксама ў МЗС адзначылі, што ЗША запрашаюць тэрарыстаў прымяніць зброю супраць Расеі. На думку расейскай ўстановы, гэта выглядае як эмацыйны зрыў Вашынгтона яго няздольнасць выканаць пагадненне аб Сірыі.

«Не першы раз узнікаюць сітуацыі, калі прыходзіцца называць рэчы сваімі імёнамі, каментуючы і ацэньваючы тое, што гучыць з Вашынгтона», - сказаў Рабкоў, дадаўшы, што ўчора, 28 верасня, прэс-сакратар Дзярждэпартамента ЗША Джон Кірбі ў сваёй заяве агучыў «непрымальныя пагрозы».

Напярэдадні Джон Кірбі распавёў аб планах уладаў ЗША падрыхтаваць «недыпламатычных адказ» на зрыў перамір'я ў Сірыі. Падрабязнасцяў прэс-сакратар Дзярждэпартамента не ўдакладніў. Пазней Reuters са спасылкай на крыніцы ў адміністрацыі ЗША ўдакладніла, што сярод абмяркаваных варыянтаў - авіяўдары па пазіцыях Башара Асада, забеспячэнне паўстанцаў больш сучаснай зброяй, а таксама адпраўка вялікага амерыканскага кантынгенту для навучання курдскіх і сірыйскіх паўстанцкіх груповак.