Віцебскага бізнэсоўца завабілі ў Гарадок прапановай нерухомасці і забілі
10- 29.09.2016, 15:30
- 17,585
28 верасня ў Шумілінскім раёне ў кустах каля вёскі Хрыпкі знайшлі труп намесніка дырэктара адной з фірмаў Віцебска.
На целе мужчыны меліся колата-рэзаныя раны. Загінулага заўважыў мясцовы жыхар. Ён звярнуў увагу на дарожку слядоў і кроплі крыві ад прасёлкавай дарогі да кустоў, піша freesmi.by са спасылкай на Следчы камітэт.
Асобу забітага ўстанавілі. Ім выявіўся 33-гадовы жыхар Віцебска. Напярэдадні вечарам ён адправіўся на сваім аўтамабілі BMW X5 у Гарадок укладаць угоду на набыццё нерухомасці.
Аўтамабіль знайшлі ў гаражным кааператыве Гарадка. Замест сапраўдных на ім былі транзітныя нумары РФ. У следства ёсць довады, што да забойства датычны 34-гадовы, раней не судзімы жыхар Гарадка.
У гаражы знайшлі сапраўдныя нумарныя знакі, асабістыя рэчы забітага, залатыя ўпрыгажэнні, дакументы, а таксама прыладу злачынства - штык-нож.
Падазраванага затрымалі. У дачыненні да яго распачалі крымінальную справу паводле артыкула «забойства, учыненае з карысці». Мужчына быў таксама датычны да ўкладання ўгоды, на якую прыехаў бізнэсовец.