Толькі даражэюць з гадамі: якія аўто не трэба прадаваць
10- 10.03.2024, 14:48
- 20,542
Некаторыя мадэлі з часам пераходзяць у разрад рарытэтаў і калекцыйных рэдкасцяў.
Традыцыйна аўто губляе значную частку свайго кошту, як толькі выедзе за межы салона, і з часам працягвае таннець. Але працягваецца так да вызначанага моманту. Некаторыя мадэлі з часам пераходзяць у разрад рарытэтаў і калекцыйных рэдкасцяў.
Якія мадэлі неўзабаве апынуцца ў гэтым спісе, расказала выданне avtosota.com.
Яно сабрала два дзясяткі аўтамабіляў 1994 года выпуску. Гэта значыць, тыя, якім сёлета спаўняецца 30 гадоў. Прычым у спіс патрапілі як масавыя аўтамабілі, так і рэдкія спорткары.
Уладальнікам пералічаных аўто эксперты не раяць прадаваць іх проста зараз. Неўзабаве яны значна прырастуць у кошце і стануць аб'ектам цікавасці для калекцыянераў, якія пачнуць прапаноўваць за іх прыстойныя грошы. Асабліва калі аўтамабіль знаходзіцца ў добрым стане і выглядае нядрэнна. Такім чынам, вам не варта спяшацца з продажам, калі вы з'яўляецеся ўладальнікам:
Volkswagen Polo 3 пакалення (6N);
Toyota RAV4 1 пакалення (XA10);
Skoda Felicia;
Renault Laguna 1 пакалення;
Peugeot 306 у кузаве кабрыялет;
Peugeot 205 Sacre Numero;
Opel Omega;
Mercedes-Benz E-Class (W210);
Jeep Cherokee XJ;
Jaguar XJ;
Alfa Romeo 145;
Audi RS2;
Audi A4(B5);
Audi A6(C4);
Audi S6(C4);
Audi A8(D2);
BMW 7-Series (E38);
Ferrari F355;
Citroen Evasion;
Форд Скорпіё.