Літоўскія мытнікі канфіскавалі на мяжы з Беларуссю першы аўтамабіль з расейскімі нумарамі

Audi Q7 каштуе амаль 42 тысячы еўраў.

Літоўскія мытнікі ў пункце пропуску "Меднікі" (сумежны беларускі - "Каменны Лог") затрымалі першы легкавы аўтамабіль з расейскімі нумарамі, піша Delfi.

Зарэгістраваны на расейку Audi Q7 перасякаў пункт пропуску а 23.00 11 сакавіка. Аўтамабілем кіраваў грамадзянін Малдовы. Мужчына ехаў з Літвы ў Беларусь. Кіроўца растлумачыў мытнікам, што нічога не ведаў пра ўведзеныя Еўразвязам абмежаванні.

Кіроўцу пазнаёмілі з дзейнымі з 11 сакавіка 2024 года правіламі і паінфармавалі, што яго чакае штраф і канфіскацыя аўтамабіля. На мужчыну склалі пратакол аб адміністратыўным правапарушэнні.

Аўтамабіль коштам 41-690 еўраў канфіскаваны. Хутчэй за ўсё, легкавік будзе канфіскаваны і перададзены для патрэб Украіны, паведамляе Delfi.

Нагадаем, з 11 сакавіка ў Літве і ў іншых краінах Еўразвяза (ЕЗ) не павінна застацца аўтамабіляў з расейскімі нумарнымі знакамі. Да панядзелка гэтыя аўтамабілі павінны былі пакінуць тэрыторыю ЕЗ. З 11 сакавіка ўладальнікі аўтамабіляў з расейскімі нумарамі будуць разглядацца як парушальнікі патрабаванняў заканадаўства, і ў дачыненні да іх будзе выкарыстоўвацца адказнасць - штраф або канфіскацыя аўтамабіля.

Літва выконвае санкцыйныя патрабаванні Рады Еўропы, якімі дазвалялася рэгістрацыя аўтамабіляў, якія ўехалі да 19 снежня мінулага года. З 11 сакавіка гэтага года зарэгістраваныя ў Расеі аўтамабілі не могуць знаходзіцца на тэрыторыі Літвы ці дагэтуль павінны быць перарэгістраваны. Выключэнне выкарыстоўваецца да грамадзян Расеі, якія ідуць на зарэгістраваных у Расеі транспартных сродках транзітам у Калінінградскую вобласць або з яе са спрошчаным транзітным дакументас (СТД). Такі транзіт праз тэрыторыю Літвы не можа доўжыцца больш за 24 гадзіны. У час праезду транзітам у транспартным сродку павінен знаходзіцца яго ўладальнік.