Новы флагманскі Volkswagen упершыню заўважылі на дарогах
4- 15.03.2024, 20:06
- 5,778
Аўто праходзіць тэсты за палярным колам у Швэцыі.
У інтэрнэт патрапілі шпіёнскія фота новага Volkswagen Phideon. Флагманскі седан нямецкай маркі праходзіць тэсты за палярным колам у Швэцыі. Пра гэта паведамляе «Фокус» са спасылкай на сайт Carscoops.
Новы Volkswagen Phideon стаў больш элегантным і абцякальным. У яго выцягнуты сілуэт з выгнутым дахам і прафіляванымі бакавінамі. Таксама відаць, што павялічаны паветразаборнік у пярэднім бамперы.
Volkswagen Phideon другога пакалення прэзентуюць на аўташоу ў Пекіне ці Гуанчжоу, бо на гэты момант кітайскі рынак з'яўляецца ключавым для мадэлі. Менавіта ў гэтай краіне з 2016 года і выпускаюць седан з 2016 года. Ягоны стартавы кошт складае 47700 даляраў.
Volkswagen Phideon – гэта фактычна пераемнік знакамітай мадэлі Phaeton. Яго стварылі пасля таго, як VW Phaeton другой генерацыі скасавалі. Вялікі пяціметровы седан пабудаваны на платформе MLB Evo ад Audi A6, і новае яго пакаленне захавае яе.
Хутчэй за ўсё, новы Volkswagen Phideon захавае бензінавыя турбаматоры аб’ёмам 2,0 і 3,0 л. Акрамя таго, у лінейцы можа з'явіцца гібрыдная версія. Застануцца версіі з пярэднім і поўным прывадам.