Разгонны блок расейскай ракеты ўпаў на дом у Белгародскай вобласці

Пацярпела жанчына.

Разгонны блок расейскай ракеты ўпаў у горадзе Будаўнік Белгарадскай вобласці. У выніку інцыдэнту пацярпела жанчына, паведамляе ASTRA.

Надзвычайнае здарэнне адбылося раніцай 17 сакавіка. Інфармацыя пра яго пратачылася ў Telegram-каналы праз два дні.

Згодна з ёй, аб'ект ракеты ўпаў на вуліцы Траецкая, 8. Быў пашкоджаны дом і атрымала траўмы адна жанчына.

Магчыма, гэта была частка ракеты расейскай супрацьпаветранай абароны, якая спрабавала адбіць атаку дронаў на РФ або якая змагалася з рэйдамі расейскіх добраахвотнікаў, якія знішчалі ваенныя аб'екты на тэрыторыі Белгародскай вобласці. Ракета СПА мае прыладу самаліквідацыі, так што на зямлю можа зваліцца толькі яе разгонны блок.